Табынская икона Божией Матери самая загадочная икона в России. По многим местам Руси можно натолкнуться на смутные воспоминания о ней. Не было долгое время никакого описания, посвященного Табынской иконе. И вот начало житийному исследованию иконы было положено по воле Самой Царицы Небесной.
Тогда, в середине 19 века, с 1848 по 1856 год свирепствовала холера в Оренбурге. Губернский город в течение 5 лет буквально вымирал от нее. Во всех церквах усердно молились ко Господу и к Самой Богородице. Но оказалось, что спасение можно обрести только через Табынскую икону. Когда все и окончательно признали чудесную помощь именно от Табынской иконы, на восьмой год (в 1856 году) холера прекратилась.
Весь народ тогда познал что, Сам Господь благоволит принять наши молитвы именно через Табынскую икону. В 1855 году, как повествует ˝Сказание˝: ˝…Преосвященнейший Антоний поручил произвести законное расследование о древности и досточтимости святой иконы». Это расследование производит настоятель Табынской церкви, протоиерей Иоанн Гуменский выявив: ˝… в Табынском селе и Богоявленском заводе, где с клятвою утверждали вышеописанное, по приданию явление и незапамятное почитание святой иконы Богоматери. Предание имеет, по крайней мере, сто сорокалетнею давность (около 300 лет назад),т. е. что дети получили от отец, то сии – от своих отцов и так далее, у которых родители были уроженцами села Табынска и даже той деревни монастырской, которая существовала еще до населения крепости Табынской˝.
Лишь через 15 лет, около 1870 года о. Гуменский составил все свои исследования в одно из первых ˝Сказаний˝, которое в последствии много раз переиздавалось, (последнее издание было в 1914 году), и дополнялось по летописи Табынского прихода.
Табынской иконе посвятил свой труд известный историк Оренбуржья, священник Николай Модестов, пораженный таким великим народным почитанием святыни, им написан в 1914 году особый археологический очерк: ˝Табынская икона Божией Матери˝.
В 1997 году в виде вышли ˝Сказания˝ к Акафисту трудами схиархимандрита Серафима, протоиерея Владимира Сергеева.
Описание чудотворной Табынской иконы.
Благодаря старинным описаниям и существующим спискам мы представляем явленную Табынскую икону таким образом: Характер письма византийский, слишком темный желто-коричневый тон красок подобный древней святыни Москвы – Иверской иконы. Лик Богоматери и Богомладенца Иисуса изображены правильно, но в них видна, при необыкновенной простоте – выразительность истинно Божественная. В Лике Приснодевы отражается небесное величие и вместе с тем материнское милосердие. Под глазами набухшие от слез круги и складочка на детском подбородке. Сын, к виску которого Она прильнула, больше похож на старца. Его Лик излучает мудрость и печаль.… От левого виска Богородицы к правой скуле тянутся как слезинки шесть капелек. В верхнем крае имеется довольно значительный разруб, а ниже половины, в середине вставка – это те раны, которые нанесены Ей при втором явлении. Имеется углубление на лицевой стороне, так называемый ковчежец – присущ лишь древним иконам. Неправильность и мало отчетливая отделка доски – обычная особенность древнейших икон, тогда иконописцы даже нарочито старались подрожать иконам святого евангелиста Луки письмом и обработкой доски. Святая икона в высоту 1,5 аршина (106,7 см) с одной стороны, и 1,5 аршина без 0,5 вершка (104,5 см), с другой стороны (т. е. как бы скошенная). В ширину 1 аршин и 0,25 вершка (72,2 см). Надписи никакой нет, кроме обыкновенных и едва заметных слов в верхних углах иконы ˝ΜΡ˝ и ˝OΥ˝, и над Спасителем ˝IC˝ и ˝ΧΡ˝. По краям на возвышениях от ковчежца видны следы металлического оклада, которым всегда была укрыта. Обычно изображаемые камни, лучезарный вид нимба и корона – элементы особо торжественной золотой ризы, хранившейся в Оренбургском женском монастыре и одеваемой только при внесении ее в Оренбург. Повседневно же, икона укрыта серебряно – позлащенной ризой из Табынска, без короны и с круглым нимбом.
Сначала Табынскую икону называли Казанской. Это название было не случайным и исторически пристало во время первого своего явления, когда была носима в Казань, для удостоверения архиерейской власти. Тогда кафедру занимал архиепископ Герман – будущий патриарх прославленный в сонме святых. Он был именно тем священником, которым первым взял на руки новоявленную Казанскую икону в 1572 году. Всю свою жизнь патриарх посвятил прославлению Казанской иконы, и не удивительно, что и Табынскую икону он нарек Казанской, считая ее достаточно для этого подобной. ˝Сказание˝ удостоверяет нас, что икону пытались оставить или в Казани или в Уфе, но Божия Матерь сама избрала удел – она вновь явилась там же на камне. Может быть, поэтому в народе ее называли еще ˝явленной˝, как бы выделяя, что она много раз являлась на избранном Богоматерью месте. Табынская икона Божией Матери не является списком с Казанской иконы, а только подобна ей.
Первое явление Табынской иконы Богородицы.
Около места явления Табынской иконы Богоматери существовала некогда Вознесенская пустынь, основанная, вероятнее всего, в 80-х годах ΧVI века игуменом Евфимием. Но точно известно, что уже в 1597 году пустынь называлась Пречистой Богородицы явления иконы Казанския и московских чудотворцев Петра, Алексия, Ионы – сокращенно Пречистинский монастырь. Это говорит о том, что Икона Пресвятой Богородицы, называемой ныне Табынскою, была впервые обретена в 80-90-х годах ΧVI века в царствование Федора Иоанновича.
Местом явления послужил удивительный по красоте уголок природы. В 18 километрах от села Табынского, основанного еще при царе Иоанне Грозном, в живописном
месте начала отрогов Уральских гор, где соленые ключи впадали в реку Усолку, на большом камне явилась эта Чудотворная Икона. В двухстах шагах от них, вверх по реке произрастала березовая роща, при входе в которую была небольшая пустынь, называемая Вознесенскою. В ней было 30 насельников — монахов, живущих вывариванием соли. Один из них, иеродиакон Амвросий, проходя вечером с полевых работ мимо камня, слышал тихий голос Богородицы: ˝Возьми мою икону,˝— и не обратил на это внимания и лишь на третий день, там же слыша голос, увидел, наконец, нашу Спасительницу и Ходатаицу. В великой радости иеродиакон прибежал к братии и сообщил им радостную весть. Братия же, не мешкая, крестным ходом отправилась к камню и с превеликою честию и пением принесли Святую Икону в храм. Утром чудесно явленную Икону не обнаружили, но обрели Ее на монастырских вратах. Монахи сильно удивились, но, не познав волю Божию, вернули Ее на прежнее место. Утром опять Икона оказалась на монастырских вратах. Тогда братия, уверившись воли Царицы Небесной, построила надвратную часовню, где в честь Ея совершались молебны и литии. Сразу после явления Святой Иконы стали совершаться многочисленные чудеса. Вследствие чего Святая Икона Богоматери была носима для удостоверения в Казань, а потом в Уфу, но как бы не обретшая там себе места, Она снова явилась на камне у той пещеры.
История существования Пречистинской пустыни связана с постоянными набегами восставших башкир. И была не раз сожжена, но усердием митрополита Казанского и Свияжского Корнилия, а так же игуменом Успенского уфимского монастыря Соломоном была восстановляема. Пречистенская пустынь владела землей в 45 га, рыбными промыслами Белого озера Куккуль и лесами. В 3-4 километрах, в местечке Белый Камень (раньше назывался Попов Камень) располагался скит монастыря. От него осталась поляна, называемая местными жителями Монастырскою. В 1663 году пустынь была окончательно разрушена, и более никаких сведений о ней мы не имеем. За 80-летний период существования Пречистинской пустыни известны лишь пять имен: первоначальник игумен ЕВФИМИЙ, старец ИОНА, иеромонах ИЛЛАРИОН, иеромонах ЗАХАРИЙ, иеродиакон АМВРОСИЙ.
Где была после этого святая Икона Богоматери, под спудом ли разрушенного монастырского храма или в другом месте, нам неизвестно, но как истинно Божий дар в подкрепление святой веры и на спасение роду человеческому, Царица Небесная открылась, вновь явившись во Святой Своей Иконе на том же месте и на том же камне.
Второе явление чудотворной иконы.
Второму явлению святой Иконы предшествовали следующие события: Указом императрицы Анны обер – секретарь Сената И. К. Кириллов и его помощник полковник Текелев – по национальности башкир, по словам А. С. Пушкина, были отправлены для основания крепости Оренбурга. При этом Кириллов прибыл в село Табынское, называемое по имени здешних башкирских племен, и положил начало крепости Табынской: было заложено пять земляных бастионов и добавлена в гарнизон рота солдат. Одновременно был заложен и Табынский храм, названный в честь погибшей пустыни Вознесенской, с приделом в честь пропавшей чудотворной Иконы, называемой тогда Казанской. Заложение крепости и храма произошло в 1736 году 14 июля. В этом же храме и явилась Табынская Икона Божией Матери в середине ΧVIII века, в 1765-1768 годах. Во всяком случае, Святая Икона явилась следующим образом. Три пастуха – башкира пасли усольский скот около соленых ключей, и вдруг они увидели на том же камне большую икону Божией Матери, саму собой стоящую. Не познав в этом чуда Божия, распаленные ненавистью к христианам, они бросились рубить ее. Вскоре ослепнув, они стали плакать и рыдать, говоря, что не уйдем отсюда, пока Русский Бог нас не исцелит. Тем временем жители Усолки (Богоявленский завод) стали волноваться, так как стадо не пришло вовремя. В поисках стада, у соленых ключей, они увидели, что на камне стоит израненная Икона Богородицы, скот весь разбрелся по окрестностям, а у реки плачут слепые пастухи. Один из них, самый молодой, стал молиться и прозрел, по его молитвам прозрели и другие. Молодой пастух – башкир так уверовал в Господа, что крестился и всегда ходил за чудотворной Иконой Богородицы зимой ли, летом ли, всегда босой, в одном подряснике и в скуфье ходил он за соей Владычицей. Прожил сей святый старец 130 лет, никогда не отходя от иконы. И предал Богу душу свою, идя за святой иконой под Челябинском.
Святая икона была поставлена в храме Покрова Божией Матери Богоявленского завода. В те времена на заводе умножилась ересь пашковцев. Ее основатель, один из хозяев этого завода, немало способствовал уничтожению церкви. Возможно, по этой причине святая Икона Богородицы избрала другой удел.
Утром следующего дня великая радость охватила село Табынск, ибо открывши храм, табынцы обрели много лет чаемую ими чудотворную икону Богородицы, пропавшую вместе с Пречистенской пустынью. С тех самых пор называется эта Икона Табынскою, так как Сама Царица Небесная избрала Себе удел. Случилось это в девятую пятницу по Пасхе (в то же число Пасхи, но через два месяца) и ныне празднуется с великою честию при стечении множества людей.
Крестный ход с Табынской иконой Божией Матери.
Крестный ход с Табынской Иконой Богоматери являлся самым продолжительным в истории России. Его возникновение тесно связано с великими милостями, оказанными Пресвятой Девой роду христианскому. Такое чествование образовалось не сразу, но, как ниже увидим, приняло всеобщий характер. Нам известна лишь самая малая толика тех чудес, которые, по приданию, непрестанно изливались от святой Иконы.
1. Однажды грозил Табынску сильный башкирский набег. И вот казаки, помолившись в саму IΧ пятницу, мужественно выступили против мятежников и разбили их. Причем это случилось как раз на соленых ключах. С чего, можно подумать, появился крестный ход из Табынска на соленые ключи.
2. В благодарность за избавление от холеры жители города Стерлитамака стали ежегодно сразу после IΧ пятницы брать крестным ходом чудотворную Икону к себе.
3. Примеру Стерлитамака последовал и Оренбург, уже много лет страдавший от холеры. Он стал принимать к себе Великую Гостью в благодарность за избавление от смерти, ибо город к тому времени уже почти вымирал. Здесь крестный ход получил особую славу, так как был Высочайше утвержден, и кафедральный собор г. Оренбурга был освящен в честь Казанской Иконы Божией Матери. С 1856 г. святая чудотворная Икона Богородицы торжественно носится из Табынской веси в города Стерлитамак, Оренбург, Самару, Тобольск, Кустанай, Уральск и по их губерниям.
4. В 1861 году страшная засуха охватила Уфимский край, жители Архангельского завода, принявшие святую Икону, были очевидцами чуда Божией Матери – при усердном молебствии появились дождевые тучи, обильно орошая поля.
Существовало множество и других чудес, источаемых Иконой, описанных в акафисте. Но мы здесь хотим обратить внимание на другое чудо – Великий Крестный Ход.
В этот праздник собирается на Святые ключи до 20 тысяч людей из городов Уфы, Оренбурга, Челябинска, Златоуста, Астрахани, Кустаная, Тобольска, Киева, Самары. Саму же святую Икону возили на особой карете с пятью главками. Ее сопровождало всегда несколько священников, при этом существовала определенная епархией череда следования с Иконой. В карету запрягались только специально предназначенные для святой чудотворной Иконы лошади, на которых никто никогда не садился. Часто бывало, что карета останавливалась сама собою и так, что никто не мог ее сдвинуть. При расследовании оказывалось, что на том месте, где она останавливалась, был когда-то закопан младенец убиенный или были совершены другие злодеяния. Икона как бы призывала к покаянию. В некоторые селения Табынская Икона вовсе отказывалась заходить. Многочисленные чудеса исцелений поражали всякого, кто решался пройти с каретой хотя бы самую малость. По сему каждый старался принять Икону Владычицы к себе. Год от года крестный ход все растягивался и едва мог уместиться по срокам в календарный год. Табынская Икона почиталась как святыня всего Оренбургского казачьего войска, присутствуя во время Первой мировой войны на фронтах. При ней служили молебны перед атакой. Последний крестный ход прекратился около Оренбурга. Во время гражданской войны в период наибольших колебаний казачества атаман А. И. Дутов для поднятия настроения и боевого духа казаков вывозил в войска покровительницу оренбургских казаков – Табынскую Икону Божией Матери. Таким образом, они дошли до города Благовещенска на реке Амур, но дальше святая Икона не пошла. Горе и отчаяние охватило тогда русских солдат. Из всего что было, осталась Табынская Икона Божией Матери. И вот Она, всегда их спасавшая, не хочет идти за рубеж. ˝Красные˝ приближаются и уже скоро погубят оставшихся в живых…
Была построена часовня из камыша над Чудотворной Иконой. Епископ Камчатский Нестор вместе с архиепископом Оренбургским Мефодием, архиепископом Томским Мелентием и многими священниками три дня постились и слезно молились, и вот Святая Табынская Икона двинулась через границу в Китай.
Табынская икона в советское время.
Первый храм Ея за рубежом был в монастыре города Харбина. Там прославилась Табынская Иконам многими чудесами так, что китайцы молились Ей, говоря:˝Если Табынь поставишь свечку – все будет хорошо, если не поставишь — плохо˝. В Китае чудотворная Табынская Икона пребывала до 1948 года. Потом русских по настоянию большевиков изгнали из Китая. Затем Табынская Икона попала в Австралию. Далее архимандрит Филарет, будущий предстоятель Русской Церкви за границей, перевез икону в город Сан-Франциско, где она и исчезла. Все попытки митрополита Мануила по возвращению святой иконы не увенчались успехом. Так и мы ныне уповаем лишь на волю Пресвятой Владычицы.
Однако гонению подвергалась не только святая Табынская Икона, но и день чествования Ея – 9-я пятница по Пасхе. Еще в 1922 году, не дожидаясь окончания гражданской войны, большевики запретили этот праздник. Разрешили его лишь однажды. Однако это стало самым настоящим торжеством православия. В 1947 году на Святые ключи с трех сторон двинулись крестные ходы из Уфы, Оренбурга и Стерлитамака. У Святой горы архиепископ Уфимский и Стерлитамакский Иоанн (Братолюбов) вместе с множеством священников пели акафист. Три монашеских хора из монастырей Уфы, Оренбурга и Енатского монастыря воспевали Богородицу так умиленно, что молчали даже птицы. А когда особым распевом все множество людей пело: ˝Радуйся, Невесто Неневестная˝, то слезы у людей рекой лились из глаз.
В то же время произошло прославление копии Табынская Икона Богоматери в городе Оренбурге. В 1948 году владыка Мануил был арестован. Вновь назначенный епископ Борис (Вик) прибыл на свою кафедру и по обычаю должен был поклониться Табынской иконе Божией Матери. Однако, увидев Ея темный Лик, не захотел, говоря себе: чему же тут молиться, на иконе ничего не видно. И вдруг свет осиял святую икону, и Матерь Божия отвернулась от него. Сильно пораженный владыка Борис повелел всем беспрекословно поклоняться святой иконе, объявил сбор серебра и золота на ризу Богородицы и установил петь после каждой литургии ˝Высшую˝ перед святой иконой.
После 1947 года праздник был строжайше запрещен. По требованию журнала ˝Наука и Религия˝ 1972 года, часовня и пещера, из которой истекал соленый источник, были взорваны. Место вокруг обезображено, спилены деревья, окружавшие источник, наброшен всякий хлам, все заболочено и выглядит отхожим местом.
После взрыва Святого источника вода стала исходить множеством ключей. Они выбивали на всем протяжении горы, укрывающей подземное соленое озеро. При этом истекали как соленые воды, так и пресные.
Выше поднимаясь по долу, в лесочке стояла легендарная береза, настолько всем известная, что иной раз второе явление Божией Матери приписывали именно этому месту. Но это не так. Около березы – поляна, которая позволяла собираться многим верующим вместе и петь акафист в довольно укромном уголке. Обычно на березу вешали иконы, около нее собирали пожертвования, молились. Это то же не нравилось кому-то. Там устраивали засады, арестовывали православных. Для удобства окружили колючей проволокой и сегодня частью сохранившейся. В конце концов, березу спилили. Говорят, кто спилил, у того руки отсохли. Но все-таки люди собирались. Потом березу сожгли. А люди собирались у пенька. Но и пенек сожгли. Были его последние остатки в 1991 году, которые кому-то, мешали и их затоптали совсем. Около того места, чуть ниже, установлен памятный столб с иконой. И сейчас многие предпочитают молиться у него.
В 90-х годах источник был немного углублен и обложен бутовым камнем. Но в 1993 году пришлось вновь перебрать кладку, а заодно выкопали яму для купания, которую в 1994 году огородили, чтобы не обвалилась. С этого времени к источнику резко повысился интерес со стороны вроде бы нейтральной массы народа. Купались в ˝иордани˝ многие, от простого до богатого, привилась традиция испить соленой воды в день бракосочетания. Всякого гостя везут сюда. Много Божией благодати вокруг источника.
Чтимые списки иконы
Известные Синьцзянская, Оренбургская, Уфимская, Ключевая. Однако существует множество местно почитаемых списков, которых выделяют по явным свидетельствам чудотворности. Один из списков находится в храме свт. Николая Чудотворца на ж/д станции Предпортовая.
Молитвы
Тропарь Пресвятой Богородице пред иконой Ея «Табынской», глас 4
Наста́ днесь пресве́тлый пра́здник, Пречи́стая Де́во,/ честны́я Твоея́ Табы́нския ико́ны, Влады́чице,/ я́же па́че луче́й со́лнечных возсия́,/ от Исто́чника приснотеку́щаго, Христа́ Бо́га на́шего,/ источа́еши целе́бныя да́ры/ с ве́рою к Тебе́ притека́ющим,/ Тя бо Христо́с Помо́щницу лю́дем Свои́м дарова́,/ покрыва́ти и спаса́ти от вся́кия беды́ рабы́ Своя́, // еди́ну Благослове́нную.
Молитва Пресвятой Богородице пред иконой Ея «Табынской»
О, Пресвята́я Влады́чице Богоро́дице, Ма́ти Го́спода на́шего Иису́са Христа́, непреста́нная о нас пред Бо́гом Моли́твеннице и Хода́таице. О, Ма́ти на́ша Преблага́я, всех нас при Кресте́ Сы́на Твоего́ усынови́вшая. Благодари́м Тя, безчи́сленныя бла́га моли́твою Свое́ю нам испроси́вшая. Благодари́м Тя, мно́жество ико́н Твои́х чудотво́рных стране́ на́шей дарова́вшая. Благодари́м Тя, ди́вную ико́ну Табы́нскую в годи́ну скорбе́й кра́ю Ура́льскому посла́вшая, на ка́мени ве́лием ико́ну Свою́ нам яви́вшая, мо́лим Тя: окамене́нныя сердца́ на́ша росо́ю моли́тв Твои́х умягчи́. Ми́лость Свою́ нам показа́вшая у исто́чника водна́го, иде́же боле́зни на́ша теле́сныя исцеля́ются, да́руй нам пото́ки ско́рбных слез и очи́сти и́ми ти́ну грехо́в на́ших. У исто́чника водна́го свято́ю ико́ною Твое́ю благослове́ние ме́сту сему́ показа́вшая, помози́ нам сло́во Го́спода Сы́на Твоего́ испо́лнити и со́лию земли́ бы́ти. Лик Свой те́мным, нам, гре́шным, омраче́нным грехо́м яви́вшая, просвети́ тьму грехо́в на́ших и приведи́ нас к ти́хому приста́нищу в ве́чныя оби́тели, угото́ванныя Го́сподом лю́бящим Его́. Ами́нь.
Богослужения
Служба Пресвятой Богородице в честь иконы Ее, именуемой «Табынская»
Текст утвержден Священным Синодом
Русской Православной Церкви
27 декабря 2016 года (журнал № 127)
В 9-ю пя́тницу по Па́сце
Пра́зднование Пресвяте́й Влады́чице Богоро́дице ра́ди ико́ны Ея́,
имену́емыя «Табы́нская»
НА ВЕЛИ́ЦЕЙ ВЕЧЕ́РНИ
Блаже́н муж: 1-й антифо́н. На Го́споди, воззва́х: стихи́ры на 8, глас 4:
Днесь, ве́рнии, собери́теся,/ просла́вим в пе́снех Цари́цу Богоро́дицу,/ вы́сшую небе́с и всех све́тлостей со́лнечных/ и, в храм Бо́жий вше́дше,/ у́зрим о́браз дре́вле явле́нныя ико́ны Ея́,/ и от исто́чника спасе́ния окропле́ние прии́мем,/ и чудотво́рней ико́не поклони́мся,/ проще́ние прегреше́ний на́ших прося́ще,/ ми́ра ми́рови и ве́лия ми́лости.
Воззри́, Влады́чице,/ побори́ борю́щия ны,/ грехи́ на́ша презира́ющи/ и го́рькаго неве́рия рабы́ Твоя́ свобожда́ющи,/ да восста́нем в сре́тение/ и честну́ю Твою́ Табы́нскую ико́ну преднесе́м,/ всяк бо град и вся́кая весь торжеству́ет/ и обрета́ет Тобо́ю, Влады́чице, спасе́ние,/ и мы во умиле́нии покланя́емся и вопие́м:/ спаси́ ны, Пречи́стая.
Ны́не печа́ль преста́,/ ны́не ра́дость процвете́,/ лечбо́ю бо милосе́рдия Твоего́, Чи́стая, неду́ги исцеля́еши,/ лю́тыя боле́зни свобожда́еши,/ зной и вар ороша́еши,/ разсла́бленныя укрепля́еши, хромы́я возставля́еши,/ слепы́я исцеля́еши,/ те́мже хва́лим Тя:/ ра́дуйся, Влады́чице, Госпо́дь с Тобо́ю.
Я́ко крин благоуха́яй,/ яви́ся ико́на Твоя́ и́ноком честны́м,/ да́рующи Вознесе́нстей оби́тели покро́в и заступле́ние,/ и на врате́х, я́ко Врата́рница, возсия́,/ чудесы́ Свои́ми осия́вши гра́ды Уфу́ и Каза́нь,/ те́мже па́ки прииди́ к нам, Госпоже́,/ весе́лием сердца́ на́ша исполня́ющи.
Глас 5:
Я́же от ага́рян поруга́ние прия́ла еси́/ и слепото́ю оче́с на покая́ние тех подви́гла еси́,/ дарова́вши прозре́ние./ По́слежде еди́н от них в по́двизех просия́,/ хожде́нием во след ико́ны Твоея́ честны́я,/ непреста́нно славосло́вие творя́ Тебе́, Пречи́стая.
Не преста́нем велича́ти Тя, о Ма́ти!/ Я́ве бо избира́еши Ура́льский преде́л,/ имену́ющися Табы́нская,/ иде́же, хотя́щи просвети́ти заблу́ждшия,/ ше́ствием Свои́м на по́двиг ве́ры нас подвиза́еши/ и тем ве́село спаса́еши,/ честву́ющих Тя, Влады́чице.
Егда́ беззако́ннии лю́дие наводни́ша враждо́ю зе́млю на́шу/ и оскверни́ша святы́ни христиа́нския,/ тогда́, Пречи́стая Влады́чице,/ ико́на Твоя́ Табы́нская/ ну́ждею изы́де от преде́лов страны́ Ру́сския/ и по́слежде ди́вный Свой о́браз сокры́,/ благода́ть же Свою́ на исто́чники преложи́.
Сла́ва, и ны́не, глас 6:
Я́ко непроходи́мая Врата́ и Животво́рная Вода́,/ Заря́ Присносия́тельная и во тьме Негаси́мая Лампа́да,/ Боже́ственная Гора́ доброде́телей,/ Богоро́дица в ми́ре просия́./ Те́мже со умиле́нием вопие́м Ти, Пречи́стая:/ му́тныя ре́ки грехо́в на́ших изсуши́,/ озное́ныя ны струя́ми умиле́ния осени́,/ приими́ на́ша моле́ния/ и принеси́ Сы́ну Твоему́ и Бо́гу,/ да спасе́т Тобо́ю ду́ши на́ша.
Вход. Проки́мен дне. Чте́ния три Богоро́дицы.
На лити́и стихи́ры, глас 5:
Наста́ день пра́здника Твоего́, Пречи́стая,/ наста́ на́шея ра́дости пресве́тлый день,/ прииди́те, моля́щихся ли́цы,/ прииди́те, вси ве́рнии лю́дие,/ воспои́м от чи́стаго се́рдца Ма́терь Бо́жию/ и явле́нная чудеса́ Ея́ у горы́ Табы́нския/ благоче́стно и благогове́йно просла́вим.
Ве́лия чуде́с сла́ва/ от исто́чника Твоего́, Богоро́дице,/ Живоно́сный Исто́чник Тя показу́ет,/ вся блага́я излива́ющий,/ оби́лие же исцеле́ний источа́ет всем незави́стно,/ тре́бующим кре́пости душа́м и здра́вия телесе́м,/ сла́ною водо́ю сла́дкия благода́ти.
Сла́ва, и ны́не, глас 2:
Небе́сная врата́ и Спору́чница спасе́ния на́шего/ и ве́ры Правосла́вныя Утвержде́ние/ Ты еси́, Богоро́дице, Пречи́стая,/ Твоего́ у́бо предста́тельства ча́юще,/ во еди́н моли́твенный лик снидо́хомся, раби́ Твои́,/ и подно́жию ног Твои́х покланя́емся,/ прося́ще проще́ния и спасе́ния душа́м на́шим.
На стихо́вне стихи́ры, глас 1:
Умиле́ние серде́ц и о гресе́х покая́ние/ днесь возно́сится ко Пресвяте́й Влады́чице,/ Та бо ны́не мо́лит Христа́ Бо́га/ о спасе́нии душ на́ших.
Стих: Слы́ши, Дщи, и ви́ждь/ и приклони́ у́хо Твое́.
Вси ро́ди Тя ра́достно ублажа́ют/ и, я́ко Исто́чник Боже́ственный, велича́ют,/ те́мже, веселя́щеся, христоимени́тии вопию́т:/ благослове́нна Ты в жена́х/ и благослове́н Плод чре́ва Твоего́.
Стих: Лицу́ Твоему́ помо́лятся/ бога́тии лю́дстии.
Вои́стину блаже́нно чре́во носи́вшее Тя, Го́споди,/ и сосца́ я́же еси́ ссал./ Нам же, соверша́ющим пра́зднество Твоея́ Пречи́стыя Ма́тере,/ младе́нцем су́щим в ве́ре,/ вмести́ти благода́ть Твою́ помози́.
Сла́ва, и ны́не, глас 5:
Ра́дуйся, Влады́чице,/ Ма́ти Христа́ Бо́га на́шего,/ Исто́чниче неисчерпа́емый благода́ти,/ при́сно источа́яй сла́дость исцеле́ний/ всем, притека́ющим к Тебе́ ве́рою/ и все упова́ние на Тя возлага́ющим.
Тропа́рь, глас 4:
Наста́ днесь пресве́тлый пра́здник,/ Пречи́стая Де́во, Влады́чице,/ честны́я Твоея́ Табы́нския ико́ны,/ я́же па́че луч со́лнечных возсия́,/ источа́ющи целе́бныя да́ры/ с ве́рою к Тебе́ притека́ющим./ Тя бо Христо́с Помо́щницу лю́дем Свои́м дарова́/ покрыва́ти и спаса́ти от вся́кия беды́ рабы́ Своя́,/ Еди́ну Благослове́нную.
НА У́ТРЕНИ
На Бог Госпо́дь: тропа́рь Богоро́дицы, три́жды.
По 1-м стихосло́вии седа́лен, глас 3:
Лю́дие благочести́вии,/ правове́рнии собо́ри христоимени́тии,/ приступи́те ве́рно вси, боже́ственному припа́дающе Бо́жия Ма́тере о́бразу,/ Та бо исцеле́ние боля́щим ра́достно подае́т,/ уязвля́ет злосло́вныя, я́ко стрела́ от лу́ка,/ нас же всех весели́т светови́дно/ и озаря́ет моли́твами Свои́ми.
Сла́ва, и ны́не, глас то́йже:
Всю Тя Бог освяти́, Де́ву До́брую и Непоро́чную в жена́х,/ проро́ки прообрази́в че́стно, иере́и благослови́в,/ во свята́я святы́х всели́,/ А́нгелом воспита́, с Небесе́ пи́щу хлеб подая́./ Сам же Преблаги́й, Единоро́дный Бог Сло́во, всели́ся в Тя/ и пло́тию про́йде из Тебе́./ Те́мже Ти покланя́емся и чтим, я́ко вои́стину су́щую Богоро́дицу.
По 2-м стихосло́вии седа́лен, глас 4:
Го́ру мы́сленную, доброде́телей Сень/ ду́хом дре́вле Авваку́м, богови́дно Тя усмотри́в очи́ма, пропове́даше, Пречи́стая,/ Тобо́ю бо Бог в мир прии́де во спасе́ние на́ше и обновле́ние.
Сла́ва, и ны́не, глас то́йже:
Го́ру Тя ве́лию несеко́мую Дании́л ду́хом ви́де,/ явля́я чистоту́ де́вства Твоего́, Влады́чице,/ от нея́же Ка́мень отсече́ся, Бог Сло́во,/ ле́сти низлага́я и́дольския.
По полиеле́и седа́лен, глас 1:
Правове́рно чту́щих Тя/ и к Табы́нстей ико́не прибега́ющих/ и сему́ чудоде́йственному о́бразу любе́зно покланя́ющихся, о Бо́жия Ма́ти, спаси́/ и не даждь в расхище́ние супоста́том,/ ниже́ на́йдут на ны вся зла́я, я́же грехи́ на́ша угото́ваша нам,/ ниже́ беззако́ния на́ша превзы́дут на главы́ на́ша,/ но да Твоя́ ма́терняя к Бо́гу преодоле́ет за ны богоприя́тная моли́тва.
Сла́ва, и ны́не, глас то́йже:
Явле́нная Твоя́ ико́на, Богоро́дице Де́во,/ врачевство́ есть всему́ ми́ру духо́вное,/ к не́йже прибега́юще, Тебе́ покланя́емся и почита́ем,/ и лобыза́ем, и чтим, исцеле́ний благода́ть почерпа́юще от нея́,/ и неду́г теле́сных, и душе́вных страсте́й Твои́ми моли́твами свобожда́емся.
Степе́нна, 1-й антифо́н 4-го гласа. Проки́мен, глас 4: Помяну́ и́мя Твое́/ во вся́ком ро́де и ро́де. Стих: Слы́ши, Дщи, и виждь, и приклони́ у́хо Твое́. Вся́кое дыха́ние: Ева́нгелие от Луки́, зача́ло 4.
По 50-м псалме́ стихи́ра, глас 6: Я́ко непроходи́мая Врата́: пи́сана на вели́цей вече́рни.
Кано́н Богоро́дицы, глас 4.
Песнь 1
Ирмо́с: Отве́рзу уста́ моя́,/ и напо́лнятся Ду́ха,/ и сло́во отры́гну Цари́це Ма́тери,/ и явлю́ся, све́тло торжеству́я,/ и воспою́, ра́дуяся, Тоя́ чудеса́.
Ра́дости испо́лнишася вси концы́ Ура́льския земли́, Пресвята́я Де́во,/ во спасе́ние бо на́ше ико́ну Твою́ яви́ла еси́ и рекла́ еси́:/ да потщи́тся бра́тия богоспаса́емыя оби́тели сея́ прия́ти Мя во храм Го́спода Моего́./ Нас же не оста́ви убо́гих,/ и да прии́мем о́браз Твой святы́й в хра́мы серде́ц на́ших, вопию́ще:/ ра́дуйся, Благода́тная.
Во он день и́нок Амвро́сий, мимоходя́ исто́чника,/ услы́ша под се́нию древе́с глаго́лы Твоя́, Богоро́дице,/ и а́бие обре́т на ве́лием ка́мени ико́ну Твою́./ Нас же сподо́би сея́ ра́дости прича́стники бы́ти,/ иму́щих Тя пред Бо́гом Хода́таицу.
Удиви́шася бра́тия Вознесе́нския оби́тели явле́нию Твоему́, Пресвята́я Де́во,/ и, со тща́нием вку́пе собра́вшеся,/ после́доваху Амвро́сию,/ и, узре́вше дре́вле пи́санную ико́ну Твою́, Богоро́дице,/ с ра́достию воспе́ша ко Го́споду, ублажа́юще Тя, я́ко Ма́терь Бо́жию./ Мы же, то́жде творя́ще во бде́нии сем,/ да улучи́м от Бо́га ми́лость и по́мощь Твою́, Влады́чице.
Ве́лие чу́до бысть во оби́тели,/ егда́ зау́тра ико́на обре́теся во врате́х./ И́ноцы же позна́вше о сем во́лю Твою́, Пречи́стая,/ я́ко Врата́рницу просла́виша Тя и храм зде созда́ша./ Нас же, я́ко юро́дивых дев, не отри́ни,/ да обря́щемся во врате́х рая́ вожделе́ннаго,/ вы́ну пою́ще Го́сподеви: Аллилу́ия.
Сла́ва: Вку́пе собра́шася бра́тия, песнь Ти воспе́ша/ и пове́даша вся бы́вшая воево́де Уфи́мскому и архиере́ю гра́да Каза́ни./ Той же, позна́в чудеса́ Твоя́, Влады́чице, повеле́ чти́ти Тя собо́рне./ Та́ко и мы ны́не весели́мся боже́ственне и в ра́дости воспева́ем Тя.
И ны́не: Па́че зла́та вся́каго блиста́ющая/ и у́тра со́лнечнаго светле́йшая,/ ра́дуйся, Врата́рнице, Жили́ще Христо́во,/ ра́дуйся, Одиги́трие, ра́дуйся, Де́во,/ ра́дуйся, Неве́сто Неневе́стная.
Песнь 3
Ирмо́с: Твоя́ песносло́вцы, Богоро́дице,/ Живы́й и Незави́стный Исто́чниче,/ лик себе́ совоку́пльшия, духо́вно утверди́,/ в Боже́ственней Твое́й сла́ве/ венце́в сла́вы сподо́би.
Бу́ря крамо́лы разори́ пу́стынь Твою́, Богороди́тельнице,/ но Ты, Чи́стая, сподви́гла еси́ честна́го игу́мена Евфи́мия,/ да укрепи́т бра́тию на му́ки сме́ртныя./ Нам же стоя́ние пу́стыни сея́ о́браз бысть ду́ха кре́пости и терпе́ния,/ да воздви́гнем гла́сы своя́,/ пою́ще чи́стую ве́ру Правосла́вную.
Егда́ ста́рец Ио́на возжела́ па́ки созда́ти оби́тель Твою́, Богоро́дице,/ испроси́ у царя́ Моско́вскаго повеле́ние на сие́/ и, к трудо́м труды́ приложи́в,/ воздви́же Тебе́, Пречи́стая, пу́стынь,/ да во ве́ки просла́вится и́мя Твое́ в заблу́ждших язы́цех/ и да почту́т Бо́га и́стиннаго./ Нас же в любви́ Твое́й утверди́, Ма́ти И́стины.
Гора́ разве́рзе утро́бу свою́ моли́твами Твои́ми, Чи́стая,/ и а́бие струи́ исто́чник сла́ных вод лю́дем Твои́м источи́,/ а́ки ма́нну дре́вле в пусты́ни Сина́йстей./ Нам же, Пречи́стая, низпосли́ ма́нну чуде́с Твои́х,/ да не вза́лчем во ве́ки.
Лю́дие остро́га солова́рнаго зря́ще такову́ю ми́лость Твою́,/ воздвиго́ша ико́не Твое́й це́рковь Бо́жию,/ да святы́х чи́ни че́стно Ти послу́жат/ и мирсти́и концы́ покло́нятся./ Нас же сподо́би досто́йно ублажи́ти Тя, я́ко Небе́сную Хода́таицу/ и воспева́ти песнь Твоея́ святы́ни явле́нию.
Сла́ва: Ве́дущи, Блага́я Ма́ти,/ я́ко оби́тель разоре́на и́мать бы́ти вконе́ц,/ извести́ бра́тии о се́м,/ ти́и же, любо́вию Бо́жиею окриля́еми,/ восхоте́ша венцы́ му́ченическия прия́ти./ И нас сподо́би, Пречи́стая, венцы́ небе́сныя улучи́ти.
И ны́не: Днесь торжеству́ет Небе́сное во́инство и́ноков пу́стыни/ и похваля́ет злату́ю Тя Ста́мну, и Жезл, и Трапе́зу, Пречи́стая Де́во./ Да глас их, Одиги́трие, е́же ра́дуйся,/ Тебе́ со а́нгелы вку́пе вопие́т.
Седа́лен, глас 8:
Иде́же прославля́ется свято́е и́мя Обра́дованныя Богоро́дицы,/ та́мо вся́ческих благи́х исто́чницы пролива́ются./ Почти́м же, лю́дие, в чистоте́ ико́ну Де́вы Богоро́дицы/ и Тоя́ Боже́ственнаго Сы́на, Христа́ Бо́га на́шего,/ и лобыза́им и прославля́ем Ю́ со стра́хом и тре́петом, зову́ще:/ ра́дуйся, ми́лости Сокро́вище многоце́нное.
Сла́ва, и ны́не:
Ты еси́ Похвала́ страстоте́рпцев,/ Ты еси́ Наде́жда преподо́бных,/ Ты еси́ Утеше́ние всего́ ми́ра,/ и на Тя спасе́ние на́ше возложи́хом вси./ Одожди́ гре́шным рабо́м Твои́м душеспаси́тельныя Твоя́ ми́лости.
Песнь 4
Ирмо́с: Седя́й в сла́ве, на Престо́ле Бо́жества,/ во о́блаце ле́гце,/ прии́де Иису́с Пребоже́ственный/ Нетле́нною Дла́нию и спасе́ зову́щия:/ сла́ва, Христе́, си́ле Твое́й.
По вре́мени о́браз Твой Табы́нский па́ки во тьме возсия́,/ ве́чер во у́тро восхо́да зари́ претвори́./ Ны́не же на́ша моли́твы приими́, Честне́йшая,/ и святу́ю ико́ну Твою́ нам па́ки яви́, Присноблаже́нная.
Си́лою вра́жиею ожесточе́ни ага́ряне бы́вше,/ воста́ша на сла́ву Госпо́дню и Де́вы боже́ственный лик уязви́ша./ Ты же, Влады́чице, о́чный мрак наложи́вши,/ сим просвети́ла еси́ нечести́вых люде́й./ Те́мже, грехо́вную мглу потребля́ющи,/ сподо́би и нас пе́ти сла́ву Пречи́стаго о́браза Твоего́ второ́му явле́нию.
Хва́лим, благослови́м ми́лости Твоя́, Богоро́дице,/ я́ко прозре́ние да́руеши нечести́вому о́троку./ Сей, покая́нием и́стовым я́ко Савл прозре́в,/ и́де во след ико́ны Твоея́./ Нас же, гре́шных, во сре́тение Твое́ приими́/ и к Бо́гу благоутро́бному моле́ния принеси́,/ пою́щих Тя во вся ве́ки.
Вои́стину испове́дуем,/ я́ко Ты, ели́ка хо́щеши, вся у Сы́на Своего́ испроси́ти мо́жеши,/ Ма́ти бо еси́ Его́,/ те́мже моли́твами Твои́ми и проще́ние ага́ряном у Бо́га испроси́ла еси́./ Нас же, в горды́ни и за́висти су́щих, в покая́нии приими́/ и в ра́зум и́стины призови́.
Сла́ва: Лю́дие Бо́жии вельми́ чудя́хуся явле́нней ико́не Твое́й, Влады́чице,/ и, я́ко богооте́ц Дави́д, скака́ше игра́я,/ та́кожде и ти́и, в ра́дости лику́юще,/ о́браз Засту́пницы с че́стию и пе́нием в весь Богоявле́нскую принесо́ша./ Нас же, собра́вшихся в пра́здник сей, Де́во Пречи́стая, благослови́.
И ны́не: Недове́домая Глубино́, Высото́ Неизсле́димая,/ Реко́ Неисчерпа́емая, целе́бную во́ду точа́щая,/ слепы́м бо зре́ние дае́ши, глухи́м слы́шание,/ хромы́м и рассла́бленным хожде́ние/ и всем, су́щим в неду́зех, безме́рное исцеле́ние.
Песнь 5
Ирмо́с: Ужасо́шася вся́ческая/ о Боже́ственней сла́ве Твое́й:/ Ты бо, Неискусобра́чная Де́во,/ име́ла еси́ во утро́бе над все́ми Бо́га/ и родила́ еси́ Безле́тнаго Сы́на,/ всем воспева́ющим Тя/ мир подава́ющая.
Весь Табы́нская ве́лиим ликова́нием испо́лнися, егда́ ико́ну Обра́дованныя обре́те/ и напо́лнися храм Госпо́день сла́вы Ея́,/ прише́дшии же язы́цы возда́ша хвалу́ Го́споду и Пречи́стей Роди́тельнице./ Нас же обра́дуй, Блага́я, благоче́стно воспева́ющих Тя.
Ага́ряне восклица́ху и вельми́ поя́ху:/ вели́к Бог христиа́нский,/ и и́стины позна́ние сни́де на еди́наго от них,/ и́же, прие́м ве́ру Правосла́вную,/ мно́жицею потруди́ся во спасе́ние свое́./ Нас же сподо́би по́двигом до́брым тече́ние соверши́ти/ и ве́чнаго живота́ дости́гнути.
Басурма́н вели́кое мно́жество ополчи́шася на Табы́нскую весь./ Лю́дие же Бо́жии, наде́жду на по́мощь Твою́ возложи́вше,/ проти́ву супоста́тов идо́ша/ и на ме́сте явле́ния о́браза Твоего́ си́лу вра́жию одоле́ша,/ те́мже и в па́мять заступле́ния Твоего́, Богоро́дице,/ сотвори́ша крестохожде́ние и ико́ны чудотво́рныя водруже́ние.
Егда́ Усо́льстии лю́дие ико́ну Твою́ в храм свой принесо́ша,/ Ты, Пречи́стая Ма́ти, хоте́нию их воспрети́ла еси́/ и па́ки в Табы́нстем хра́ме обрела́ся еси́./ Возврати́ и нас, вла́ющихся по распу́тием ми́ра сего́, на путь и́стины, Свята́я Одиги́трие,/ и Ца́рствия Небе́снаго дости́гнути сподо́би.
Сла́ва: Сия́ние благода́ти чу́дное бысть по всей Табы́нстей земли́,/ я́ко созда́ша христолюби́вии лю́дие из ка́мене це́рковь Твою́/ и воззва́ша вся окре́стныя ве́си на восхвале́ние чуде́с Твои́х./ Нас же, прише́дших на торжество́ сие́, приими́/ и пра́здника ра́ди ду́ши возвесели́.
И ны́не: Ка́я Ти есть досто́йная похвала́,/ сию́ ли на́ше принесе́т коне́чное неможе́ние?/ Я́ко явле́нием Пречи́стыя Твоея́ ико́ны, светоза́рное нам возсия́ со́лнце,/ пресла́вных чуде́с лучи́ испуска́я и тьмы лю́тых обстояний отгоня́я/ свяще́нными Твои́ми, Влады́чице, предста́тельствы.
Песнь 6
Ирмо́с: Боже́ственное сие́ и всечестно́е/ соверша́юще пра́зднество,/ богому́дрии, Богома́тере,/ прииди́те, рука́ми воспле́щим,/ от Нея́ ро́ждшагося Бо́га сла́вим.
Зной и бездо́ждие бысть Уфи́мстей земли́,/ но тще́тно моля́хуся ве́рнии,/ излия́ся бо гнев Госпо́день за беззако́ния,/ оба́че ико́на Твоя́, Преблага́я, принесе́ одожде́ние ги́бнущим зла́ком./ На́ша же изсо́хшия ду́ши одожди́ росо́ю благода́ти Твоея́,/ да произрасти́м кла́сы доброде́телей и спасе́ние у́зрим.
Егда́ бысть мор сме́ртный во всех уде́лех на́ших,/ лю́дие гра́да Стерлитама́ка наде́жду на Тя, Влады́чице, возложи́ша/ и, по́мощь от Тебе́ улучи́вше,/ в па́мять о сем на вся́ко ле́то хожде́ние с ико́ною Твое́ю устро́иша,/ восхваля́юще Тя, Преблагослове́нная.
Та́же Оренбу́рг град одержи́мь бе лю́таго мо́ра наше́ствием/ и ве́лия скорбь обы́де та́мо живу́щих./ Ты же, Пречи́стая, повеле́ла еси́ святи́телю Анто́нию прия́ти ико́ну Твою́,/ и, егда́ сие́ сотвори́, боле́зни сме́ртныя отступи́ша./ Мы же, чудя́щеся чудеси́ сему́, вопие́м Ти:/ покры́й и нас честны́м Твои́м омофо́ром.
Егда́ сла́ва Пречи́стыя умно́жися,/ бысть повеле́ние царе́во, во е́же почти́ти Богома́терь ле́тным крестохожде́нием/ во вся концы́ Ура́льския земли́./ Та́ко и мы творя́ще, при́сно помина́ем Твоя́ чудеса́, Всеблага́я.
Сла́ва: Ми́ра Засту́пнице, Ма́ти Всепе́тая, ве́рных Твои́х похвало́!/ Не оста́ви нас си́рых и убо́гих рабо́в Твои́х,/ но присно пребу́ди с на́ми.
И ны́не: Ра́дуйся, Цари́це,/ люде́й правосла́вных и во́инств христолюби́вых Сла́во, Покро́ве и Прибе́жище./ Ра́дуйся, Чу́до чуде́с, Одиги́трие на́ша,/ ве́сей и градо́в Утвержде́ние.
Конда́к, глас 8:
Взбра́нной Воево́де ро́да христиа́нскаго/ и страны́ на́шея изве́стней Изба́вительнице,/ хвале́бныя пе́сни принесе́м, ве́рнии, Де́ве, Влады́чице Богоро́дице./ Ты же, я́ко иму́щая милосе́рдие неизрече́нное,/ от вся́ких нас ско́рбных обстоя́ний свободи́, да с любо́вию зове́м Ти:/ ра́дуйся, всего́ ми́ра Наде́ждо и Утеше́ние, Похвало́ Табы́нская.
И́кос:
Смысл очи́стивше и ум, притеце́м к Богоро́дице,/ све́тло пе́сньми ублажа́юще Ю́,/ и пречестну́ю ико́ну Ея́ Табы́нскую просла́вим и почти́м,/ припа́дающе, поклони́мся Ей,/ посрамля́ет бо не чту́щия Ю́,/ избавля́ет же от вели́ких бед и зол благонра́вныя и богобоя́щияся рабы́ Своя́, зову́щия:/ ра́дуйся, Похвало́ Табы́нская.
Песнь 7
Ирмо́с: Не послужи́ша тва́ри богому́дрии/ па́че Созда́вшаго,/ но, о́гненное преще́ние му́жески попра́вше,/ ра́довахуся, поюще:/ препе́тый отце́в Госпо́дь и Бог, благослове́н еси́.
Сла́ва Табы́нския ико́ны Твоея́, Пречи́стая, возсия́ в Верхнеура́льстем гра́де,/ те́мже мно́жество люди́й, срета́юще ико́ну Твою́,/ преложи́ша неве́рие в позна́ние и́стиннаго Бо́га/ и в па́мять о сем утверди́ша ка́мень ве́лий на высо́цей горе́./ Научи́ и нас, Богоневе́сто, па́мятовати чудеса́ Твоя́/ и воспева́ти препе́таго отце́в Го́спода и Бо́га.
Ны́не ра́дуется Сиби́рская земля́,/ достиго́ша бо ю́ вели́чия Твоя́, Богома́ти,/ лику́ет Челя́бинск град, с ни́мже гра́ды Тюме́нь и Кустана́й,/ прие́млюще Табы́нскую ико́ну Твою́, Пречи́стая,/ неоску́дно бо де́йство благода́ти Твоея́,/ е́юже соверша́еши вели́кая и пресла́вная чудеса́/ во спасе́ние всех и просвеще́ние.
Град Ура́льск ерети́ческим злове́рием одержи́мь бе,/ егда́ же сре́те о́браз Твой, Пречи́стая,/ ко́зни вра́жия а́бие разруши́шася,/ лю́дие же, ви́девше ми́лости быва́емыя, во след Тебе́ теча́ху/ и ве́ру Правосла́вную, ра́дующеся, прославля́ху.
Егда́ христолюби́вии во́ини земли́ Оренбу́ргския имя́ху ико́ну Твою́ в полце́ свое́м,/ тогда́ ве́лию кре́пость и си́лу обрета́ху на враги́ своя́,/ орды́ бо неве́рныя покори́ша/ и де́рзости их низложи́ша.
Сла́ва: Пово́лжстей земли́ то́чиши благода́ть незави́стную, Влады́чице,/ прише́ствием Твои́м в Сара́тов град,/ ико́на бо Твоя́ Табы́нская де́монов по́лчища отгоня́ет/ и ду́ши заблу́ждших просвеща́ет./ Мы же любе́зно покланя́емся и лобыза́ем ю́/ и Тя, Богоро́дице, велича́ем.
И ны́не: Всяк, прибега́яй к покро́ву Твоему́, Чи́стая,/ не отхо́дит тощь и не услы́шан,/ Ты бо, я́ко Ма́ти и́стиннаго Живота́,/ отча́янных ве́лие Прибе́жище и обурева́емых ти́хое Приста́нище./ Приими́ и нас, призыва́ющих Тя на по́мощь, Всепе́тая Влады́чице.
Песнь 8
Ирмо́с: О́троки благочести́выя в пещи́/ Рождество́ Богоро́дичо спасло́ есть,/ то́гда у́бо образу́емое,/ ны́не же де́йствуемое,/ вселе́нную всю воздвиза́ет пе́ти Тебе́:/ Го́спода по́йте, дела́,/ и превозноси́те Его́ во вся́ ве́ки.
Егда́ лю́тая годи́на пости́же зе́млю Ру́сскую и яви́шася безбо́жнии лю́дие,/ тогда́ бысть всему́ Ура́льскому кра́ю ве́лие возмуще́ние:/ Бо́жия бо хра́мы разори́ша,/ святы́ни оскверни́ша и крестохожде́ния с ико́ною упраздни́ша./ Мы же мо́лим Тя, Влады́чице:/ испроси́ у Сы́на Твоего́ грехо́в оте́ц на́ших оставле́ние.
Печа́лующися о стране́ на́шей Ру́сстей, Влады́чице,/ и не хотя́щи ико́ною Твое́ю оста́вити ну́ждею преде́лы земли́ ея́,/ ста́ла еси́ недви́жно у Аму́ра реки́, несо́мая гони́мыми христолюби́выми во́ины./ Ве́рнии же лю́дие со святи́тели Мефо́дием и Не́стором сле́зно моля́хуся,/ да не оста́виши их си́рых во стране́ Кита́йстей,/ но да и́деши с ни́ми, по́мощь Свою́ подаю́щи.
Удиви́шася кита́йстии наро́ди, зря́ще чудеса́ от ико́ны Твоея́ быва́емая,/ те́мже, во храм Твой притека́юще, креще́ние приима́ху./ Мы же, ве́дуще сие́, прославля́ем Тя и Сы́на Твоего́, зову́ще:/ Го́спода по́йте, дела́,/ и превозноси́те Его́ во вся ве́ки.
Австрали́йская земля́ велича́ет Тя, Пречи́стая,/ слы́шащи о ди́вных чудесе́х Твои́х,/ Ты бо, любо́вию Свое́ю всех объе́млющи и благода́тию исполня́ющи, науча́еши пе́ти:/ Го́спода по́йте, дела́,/ и превозноси́те Его́ во вся ве́ки.
Сла́ва: Всяк язы́к, творя́й беззако́ние, лиша́емь святы́нь свои́х быва́ет,/ та́ко сокры́та есть от нас и Табы́нская ико́на Твоя́, Богома́ти, тайноде́йствием Бо́жиим,/ мы же, гре́шнии, в покая́нии те́пле мо́лим Тя:/ прииди́ к нам си́рым и уте́ши ны.
И ны́не: Ум а́нгельский и челове́ческий ужаса́ется, Влады́чице,/ ка́ко Младе́нца Безле́тна ражда́еши,/ ка́ко Сы́на Бо́жия на руку́ Твое́ю но́сиши,/ Его́же трепе́щут Го́рния си́лы, вопию́ще:/ Свят, Свят, Свят еси́, Бо́же,/ Богоро́дицею поми́луй нас.
Песнь 9
Ирмо́с: Всяк земноро́дный/ да взыгра́ется, Ду́хом просвеща́емь,/ да торжеству́ет же безпло́тных умо́в естество́,/ почита́ющее свяще́нное торжество́ Богома́тере,/ и да вопие́т:/ ра́дуйся, Всеблаже́нная, Богоро́дице,/ Чи́стая Присноде́во.
Ме́рзость запусте́ния на ме́сте святе́м быва́ше,/ егда́ исто́чницы сла́нии во враче́бницу преложе́ни бы́ша,/ оба́че Ты, Богоро́дице, неве́рствующих чуде́сным Твои́м страхова́нием изгнала́ еси́,/ да позна́ют вели́чия Твоя́, Богоневе́сто.
Возскорбе́ша христолюби́вии лю́дие,/ егда́ беззако́нницы храм, стоя́й на исто́чницех сла́ных, разори́ша/ и ме́сто свято́е в запусте́ние приведо́ша,/ оба́че до конца́ ми́лость от рабо́в Твою́ не отврати́ла еси́, Влады́чице, / и еди́ножды в ле́то струи́ водны́я в пеще́ре подае́ши, а́ки сле́зы точа́щи.
Се вре́мя благоприя́тное, се ны́не день спасе́ния наста́ в Ру́сстей земли́!/ Хра́мы Бо́жии открыва́хуся, оби́тели святы́я возражда́хуся/ и на горе́ Табы́нстей храм чу́дный Пречи́стей Богоро́дице воздви́гнут бысть,/ и́ноцы же, зде собра́вшеся, моли́тву о ми́ре возсыла́ют/ и сла́ву Бо́гу воспева́ют, та́ко изво́лившему.
Па́ки Благослове́нная Влады́чица излива́ет чудеса́ на рабы́ Своя́, я́коже пре́жде,/ та́ко и ны́не ми́лостию исполня́ет,/ мироточе́ние творя́щи от о́браза Своего́,/ к нему́же притека́ют вси, чту́щии Ю́,/ улуча́юще поле́зная ко спасе́нию.
Сла́ва: Ве́лия сла́ва Твоя́, Богома́ти, на исто́чницех сла́ных яви́ся,/ егда́ стека́хуся лю́дие возда́ти благодаре́ние Ти:/ тя́жко неду́гующих бо исцеля́еши,/ ма́терем детородя́щим ско́рое разреше́ние да́руеши,/ ожесточе́нно вражду́ющим неча́янное примире́ние подае́ши,/ сопру́жных в единомы́слии и любви́ сохраня́еши,/ Ра́дость бо Ты еси́ и́стинная.
И ны́не: Прииди́те, ве́рнии,/ чи́стым се́рдцем возвели́чим Пречи́стыя Ма́тере Бо́га на́шего чу́дную ико́ну Табы́нскую/ и Боже́ственнаго Младе́нца, Спа́са Христа́,/ Его́же, яко Ро́ждшая, на руку́ носи́вши/ и ма́тернее дерзнове́ние к Нему́ иму́щи,/ непреста́нно мо́лит за ны/ и подае́т рабо́м Свои́м бога́тыя ми́лости.
Свети́лен:
Да почти́тся Всепе́тая Ма́терь Бо́жия,/ ра́йских двере́й Отверзе́ние,/ всего́ ми́ра Очище́ние/ и к жи́зни нетле́нней Возведе́ние,/ я́ко Жизнь Су́щую ро́ждшая, Христа́ Бо́га на́шего,/ Сей бо есть проро́ком глаго́лавый, Тому́ поклони́мся,/ я́ко Бо́гу и Спа́су душ на́ших.
Сла́ва, и ны́не, то́йже.
На хвали́тех стихи́ры, глас 4:
Целому́дрия су́щи Хода́таица,/ призыва́ющим Тя ны́не яви́ся/ и от вся́ких изба́ви напа́стей и бед,/ Богоневе́сто Пречи́стая.
Неискусому́жно ро́ждши Го́спода,/ яви́ся по Рождестве́ па́ки де́вствующи:/ о, пресла́внаго чудесе́,/ в Тебе́ соде́ланнаго, Богоневе́сто!
Приими́, Отрокови́це Пречи́стая, Боже́ственную песнь,/ даю́щая благода́ть на Тя наде́ющимся,/ и мир испроси́ земли́ Ру́сстей при́сно посла́ти,/ да христиа́нский всяк язы́к Тя велича́ет.
Мно́гая Твоя́ щедро́ты ми́лостивно нас спаса́ют,/ еди́на Богома́ти,/ от грехо́внаго суда́ и разли́чных напа́стей,/ Ты бо, ро́ждши Бо́га, ми́луеши мир Его́.
Сла́ва, и ны́не, глас 2:
Ти́хое приста́нище/ оби́тель Твоя́ Табы́нская, Богоневе́сто,/ яви́ся всем притека́ющим,/ иму́щи в себе́ пречестну́ю Твою́ ико́ну,/ всем неоску́дно благода́ть подаю́щую.
Славосло́вие вели́кое. И отпу́ст.
НА ЛИТУРГИ́И
Слу́жба Богоро́дицы.
АКАФИСТ ПРЕСВЯТОЙ БОГОРОДИЦЕ ПРЕД ИКОНОЙ «ТАБЫНСКАЯ»
Кондак 1
Взбранной Воеводе рода христианскаго и страны нашея известной Избавительнице, хвалебныя песни принесем вернии Деве владычице Богородице. Ты же яко имущая милосердие неизреченное, от всяких нас скорбных обстояний свободи, да с любовию зовем Ти:
Радуйся, Похвало Табынская и всего мира Надеждо и Утешение.
Икос 1
Архангели и Ангели дивятся Твоему неизреченному милосердию к роду человеческому, Дево Богородице, яко благоволила явити святую икону Свою близ града Казани, егда нечестивии агаряне воздвигоша брань на мирныя люди, разоряя грады и веси их. Ты же, Благая, хотя утешити рабов Твоих пришествием Своим, скорбь их на радость преложила еси, сего ради вопием Ти таковая:
Радуйся, Благословенная в женах, радуйся, обретшая Благодать у Бога.
Радуйся, десницею Создателя Благословенная; радуйся, Духом Святым освященная.
Радуйся, Мати Христа Бога нашего; радуйся, в Рождестве и по Рождестве Дево.
Радуйся, Ангельских чинов удивление; радуйся, святых немолчное прославление.
Радуйся, Похвало Табынская и всего мира Надеждо и Утешение.
Кондак 2
Провидя, Мати и Дево, беды и смятения окрест града Казани, явила еси святую икону Свою, наипаче же милость Свою, Владычице, людям, да не оскудеет вера, да не угаснет надежда, но да прославляется Имя святое Отца и Сына и Святаго Духа вопиющими: Аллилуиа.
Икос 2
По времени образ Твой честный Казанский во мнозе градах и весях страны нашея на досках изображенный, прояви силу благодатную истекающими чудотворениями, тако и окрест веси Табынския близ Вознесенския обители святыя явися новый образ Твой. Некогда диакон чернец, грядущий с села в святую обитель, услыша Твой глас: да потщится правоверующая братия богоспасаемыя обители прияти Мя в Храм Господа Моего. Убояся прельщения, не внях неземному гласу сему, паки же возвращахуся ему путем тем, слыша глас Твой: Да прииди и виждь. Уразумех, яко глаголы сии свыше суть, прииде на место, откуда слышен бысть глас сей и узрех святую икону Мати Божия, на камени велием близ горы Табынския, у источника воднаго, возрадовахся духом. Мы же дивяся сему вопием Ти сице:
Радуйся, явлением святыя иконы Твоея милость Божию нам возвестившая; радуйся, чистым сердцем глас Твой святый явившая.
Радуйся, Мати щедрот и милосердия; радуйся, милости сокровище многоценное.
Радуйся, с небесных высот на рабы Твоя призирающая; радуйся, покровом Твоим нас осеняющая.
Радуйся, яко милость Твоя посещает христианские веси и грады; радуйся, яко милосердие Твое сердец наших отрада.
Радуйся, Похвало Табынская и всего мира Надеждо и Утешение.
Кондак 3
Сила благодати Твоея осени сердце диакона благочестиваго, узревшу ему святую икону Твою, Владычице, и объят бых страхом величия Твоего, возрадовахся зело, со тщанием возтече во обитель и возвести братии о дивном обретении своем, радостно вопия Богу: Аллилуиа.
Икос 3
Имущи, Пресвятая дево, икона Твоея силу благодатную, явися инокам радостию велию, егда познаша милости Твоея чрез икону Твою Табынскую людем являемыя, со страхом несоша святыню сию во и поведоша о сем воеводе Уфимскому и Архиерею града Казани. Мы же благодарнии вопием Пресвятей Деве таковая:
Радуйся, помощь Свою всем притекающим к Тебе подающая; радуйся, слез наших не отвергающая.
Радуйся, к сыну Твоему моление о верных выну приносящая; радуйся, прошения наша во благо исполняющая.
Радуйся, монашествующих покрове; радуйся, девствующих ограждение.
Радуйся, к Богу умов и сердец направление; радуйся, душ наших спасение.
Радуйся, Похвало Табынская и всего мира Надеждо и Утешение.
Кондак 4
Буря крамолы, воздвигнутыя от мятежник навыжденных Айдаром и Кусюмою, разори обитель Вознесенскую, братию же избиши, разсеятися понуди. Ты же, Всеблагая, хотя по времени явитися во славе велией, сокры икону Свою чудотворную Табынскую. Мы же, дивяся таковому промышлению Твоему, Владычице, вопием к Богу: Аллилуиа.
Икос 4
Слыша Богомати стенания рабов Твоих веси Табынския и видяше скорбь их, зане вера Христова поругаема бываше от неверных, в познание истины Христовой и изобличение неверных благоволила паки второе явити на камени тем же Образ Твой честный светом Божественным озаренный. Мы же, дивящеся таковому Твоему попечению о нас, вопием Ти таковая:
Радуйся, явление иконы Твоя Табынския свет истинныя веры земле Уфимской даровавшая; радуйся, суевериям и зловериям омраченных просветившая.
Радуйся, грешных исправление; радуйся, кающихся с Богом примирение.
Радуйся, милость согрешившим являющая; радуйся, раны греховныя истребляющая.
Радуйся, скорбные сердца надеждою возрождающая; радуйся, любовию их согревающая.
Радуйся, Похвало Табынская и всего мира Надеждо и Утешение.
Кондак 5
Боготечную звезду святую икону Твою увидеша нечестивии агаряне светящую на камени, но не уразумеша Твоего, Владычице, пришествия, косни бо сердцем быша, ненавистию ко христианам распалишася, надругашися над святынею. За такое хуление святыни Твоея слепотою наказани быша, блуждаху по лесу неведуща пети: Аллилуиа.
Икос 5
Видеша хулители святыни, яко зело наказаны быша от Бога, не хотяху раскаятися, зане ожесточени сердцем быша, токмо един от них, лучем благодати Божией просвещенный, раскаяся и абие прозрев, возратися со единоплеменники своими ко святей иконе и слезно молишася пред нею. По молитве его Мати Божия всех исцели. Сего ради вопием Пречистей:
Радуйся, торжество веры в стране нашея являющая; радуйся, святой иконою Твоею окамененыя сердца смягчающая.
Радуйся, зловерия явное обличение; радуйся, истинныя веры утверждение.
Радуйся, рода христианскаго возвышение; радуйся, святыни присное ограждение.
Радуйся, яко Тобою беззаконие наказуется; радуйся, яко Тобою хула на Бога истребляется.
Радуйся, Похвало Табынская и всего мира Надеждо и утешение.
Кондак 6
Проповедницы Твоея благодати явишася прозревшии магометане, возвестиша христианом веси Табынския о Твоем, Богомати, явлении, но не прияша крещения, токмо первый прозревший, иже прияв веру православную, возрадовася зело и рече всем притекающим ко источнику целебному: се, ны познах, яко велий есть Бог земли Российстей, со умилением вопия Ему: Аллилуиа.
Икос 6
Возсия свет Божественный, Владычице, егда святая икона Твоя с честию велиею перенесена бысть от места явления Своего в весь Табынскую, изливая верным дары целебныя и всем подавая помощь и утешение с верою к Тебе и во всякой скорби притекающим и вопиющим таковая:
Радуйся, отчаявшихся прибежище;
Радуйся, скорбящих слышание.
Радуйся, печальных утешение; радуйся, христианом отрада и ограждение.
Радуйся, в бедах и печалех теплое заступление; радуйся, яко немощным даруеши укрепление.
Радуйся, скорбь нашу на радость претворяющая; радуйся, наветы вражия от нас отгоняющая.
Радуйся, Похвало Табынская и всего мира Надеждо и Утешение.
Кондак 7
Хотяще вернии веси Табынския выну памятовати о чудеснем явлении иконы Твоея, Владычице, сотвориша в честь дивныя Твоея иконы Табынския празднование в пяток девятый Пасце, в день второго явления ея, благодаряще Заступницу усердную, Богу же воспевая: Аллилуиа.
Икос 7
Новое чудо явила еси Богородице, егда за беззакония людей праведный гнев Божий постиже град Стерлитамак, поразих их болезнию холерною, вернии с благословения Архиерея Иоанникия, вземши святую икону Твою, Богомати, Табынскую, принесоша ю во свой град и слезно пред нею моляшася. Егда совершено бысть молебное пение — болезнь смертная остави град. Видяши же людие милость Твою, Богородице, возопиша Тебе таковая:
Радуйся, яко за люди согрешившия присно пред Сыном Твоим и Богом ходатайствующая; радуйся, праведный гнев Божий, на них движимый, на милость преклоняющая.
Радуйся, прекращением холеры благодатную силу иконе Твоей нам возвестившая; радуйся, милость Божию и согрешившим явившая.
Радуйся, Надеждо ненадежных; радуйся, опора немощных.
Радуйся, заблуждших на путь покаяния наставляющая; радуйся, веру в жизнь будущаго века в них пробуждающая.
Радуйся, Похвало Табынская и всего мира Надеждо и Утешение.
Кондак 8
Странное чудо зрим о Тебе, Богомати, егда икона Твоя Табынская принесена бысть во град Оренбург во время мора смертнаго и токмо явися во граде сем святая икона Твоя — абие мор преста, сего ради вернии града сего на коегождо лето ко дню Рождества Пресвятыя Богородицы с радостию велию сретиша святую икону Твою Табынскую со умилением вопия: Аллилуиа.
Икос 8
Весь аз недостойный грехми исполнихся, мирскому разсеянию вдахся и о душе своей вознерадев, обаче на святую икону Твою, Владычице, взирая и просвещение от нея безчисленным людем зде приходящим видя, паки на путь спасения устремляются, и в радости сердца воспевают Ти сице:
Радуйся, шествовати путем Господним нас научающая; радуйся, на пути ко Господу нас укрепляющая.
Радуйся, жестокосердия искоренение; радуйся, милосердия в сердцах насаждение.
Радуйся, к подвигу целомудрия нас призывающая; радуйся, непорочных венчающая.
Радуйся, от земнаго богатства души верных отвращающая; радуйся, духовными дарованьми молящихся обогащающая.
Радуйся, Похвало Табынская и всего мира Надеждо и Утешение.
Кондак 9
Вси людие земли Уфимския, егда праведний гнев Божий наказаша их бездождием, со слезами молиша Заступницу христианскую просити у Сына Своего и Бога, да оросит землю их дождем, и егда вернии веси Архангельския, вземши святую икону Табынскую, несоша ю на село свое, бысть дождь велий, на радость скорбящим и во утешение плачущим, да воспоют Господу благодарным сердцем: Аллилуиа.
Икос 9
Витий глаголы и любомудров смыслы не довлеют ко изглаголанию чудес Твоих, Владычице Неба, яко во утешение жителям Стерлитамака, низпослав свыше дождь велий на землю, сим избавила град их от глада и запаления огненнаго, яко да истребится от лица скорбящих всяка печаль и всяка болезнь, сего ради вопием Ти:
Радуйся, обуреваемых тихое пристанище; радуйся, источниче милостей Господних.
Радуйся, унылых ободряющая; радуйся, моление скорбящих ко Господу возносящая.
Радуйся, ходатайством Твоим от зноя и жажды нас спасающая; радуйся, молитвами от запаления огненного избавляющая.
Радуйся, яко алчущих питаеши; радуйся, яко во мразех сущих согреваеши.
Радуйся, Похвало Табынская и всего мира Надеждо и Утешение.
Кондак 10
Спасти хотящи, Пресвятая Богородице, страждущего трясовицею Василия воина от града Оренбурга, исцеление подаде ему чрез икону Свою Табынскую. Сей воин во сне двукраты в весь Табынскую идяше и тамо Матерь Божию об исцелении умоляше, уразумев в сониях волю Владычицы, пойде немощный двести тридесят поприщ, труждаяся и множицею на землю падоша, пришедше же ему в весь Табынскую, егда погрузися во источник святый, идеже икона Твоя явися, абие исцелен бысть и радуяся, благодаряще Матерь Божию, возопиши Господу: Аллилуиа.
Икос 10
Стена нерушимая веры явилася еси, Богородице, боголюбивому отроку, зане сей имевший части некия от камени, на нем же явися икона Твоя, Владычице, многим болящим помощь подаше еси, егда бо сии, омывши частицы камени водою, пияхом ю и омывахом ею раны своя, абие исцеление приимаша. Мы же благодать Твою видевше, зане и камени силу чудотворити даровала еси, вопием Ти сице:
Радуйся, святые ключи целебною водою прославившая; радуйся, даже каменю, на нем же явися святая икона Твоя Табынская, благодатную силу даровавшая.
Радуйся, всем с верою притекающим к целебней иконе Твоей исцеление подающая; радуйся, благодарение их ко Господу возносящая.
Радуйся, яко к помощи Твоея и маловернии притекают; радуйся, яко по повелению Твоему и разслабленнии со одра болезни возстают.
Радуйся, бесов изгнание; радуйся, помраченных умов просветление.
Радуйся, Похвало Табынская и всего мира Надеждо и Утешение.
Кондак 11
Пение хвалебное возсылаху тебе, Матери Божией, вси людие, стоящии во храме Твоем, видиша покаяние согрешившего и милосердие Твое к нему некий воин Гавриил, за нарушение обета, данного Тебе, в разслаблении сущий — исцелен бысть, егда святого таинства елеосвящения сподобльшася к чудотворному образу Твоему припаде. Мы же, грешнии, многажды Господа грехми своими прогневляющии, молим Тя, и нам прощение грехов испроси со упованием поющим: Аллилуиа.
Икос 11
Свет зрению даровала еси, Владычице, старице некоей, осемь лет во граде Оренбурге слепотою страдавшей; егда бо в сретении Твоея иде, сродницею своею оставлена бысть, стеснения ради народа, внезапу прозре и видяще икону Твою святую возрадовася зело, мы же со трепетом вопием Ти сице:
Радуйся, благодатная, врачевания обильно источающая; радуйся, исцелением недугов притекающих к Тебе веселящая.
Радуйся, слепых прозрение; радуйся, глухих слышание, немых глаголание.
Радуйся, хромых хождение; радуйся, вдов и сирот заступление.
Радуйся, душ наших освящение; радуйся, земнородных упование.
Радуйся, Похвало Табынская и всего мира Надеждо и Утешение.
Кондак 12
Благодать Твою яви нам, Пресвятая Дево, молящимся Тебе пред честней иконою Твоею Табынскою, излей щедроты Твоя на грады и веси не токмо края Приуральскаго, но во всем мире честный образ Твой почитающим и поющим Богу: Аллилуиа.
Икос 12
Поюще Твоя чудеса от иконы Твоея Табынския явленыя, молим Тя, Владычице, Лика Твоего от страны нашей не отврати и всем приводящим к чудотворному образу Твоему и милости от Тебя ожидающим во благая вся прошения исполни, да вси воспоем Ти сице:
Радуйся, иконою Твоею Благословение Божие краю нашему приносящая; радуйся, источник Твой яко проповедник спасения веси Табынския оставившая.
Радуйся, смиренных сердцем Боговедением просвещающая; радуйся, яко славу Божию воспевати нас научающая.
Радуйся, к Тебе же падшие в покаянии притекают; радуйся, яко призывающие имя Твое святое от падения греховнаго возстают.
Радуйся, в час смертный чтущих Тя не оставляющая; радуйся, и по смерти во обители небесныя души их сопровождающая.
Радуйся, Похвало Табынская и всего мира Надеждо и Утешение.
Кондак 13
О Всепетая Мати Христа Бога нашего, приими молитвы раб Твоих и мир испроси всем, с верою и любовию притекающим к иконе Твоей Табынской, и живот вечный даруй им со умилением поющим: Аллилуиа, Аллилуиа, Аллилуиа.
(Этот кондак читается трижды, затем икос 1 и кондак 1)
Молитва Пресвятой Богородице перед Ея иконой, именуемой «Табынская»
О Пресвятая Владычице Богородице, Мати Господа нашего Иисуса Христа непрестанная о нас пред Богом молитвенница и ходатаица. О, Мати наша Преблагая, всех нас при кресте Сына Твоего усыновившая. Благодарим Тя, безчисленныя блага молитвою Своею нам испросившая. Благодарим Тя, множество икон Твоих чудотворных стране нашей даровавшая. Благодарим Тя, дивную икону Табынскую в годину скорбей краю Уральскому пославшая, на камени велием икону Свою нам явившая. Молим Тя, окамененныя сердца наши росою молитв Твоих умягчи. Милость Свою нам показавшая у источника воднаго, идеже болезни наша телесныя исцеляются, даруй нам потоки скорбных слез и очисти ими тину грехов наших. У источника воднаго святою иконою Твоею благословение месту сему показавшая, помози нам Слово Господа Сына Твоего исполнити и солию земли быти. Лик Свой темный нам, грешным, омраченным грехом явившая, просвети тьму грехов наших и приведи нас к тихому пристанищу в вечныя обители, уготованные Господом любящим Его. Аминь.
Просмотры (488)